Hvað eigum við eftir að prófa..

10.1.2010 | 00:10

Fjölgun í fjölskyldunni...er sekt við því?

Allir tala um að hugsa vel um sig....sem ég efast ekki um að allir hafi nú áhuga á að gera og vakningin er slík í samfélaginu að bók sem gamall vinur skrifaði um að setja súrefnisgrímuna fyrst á þig....svo á aðra á vel við í dag. En ég fullyrði að ég hugsa um mig í fyrsta sæti enda er það mitt að meta...ég geri helst bara það sem ég vil gera.....svo það sem er leiðinlegt og síðast það sem ég tel að skipti engu máli en endar á svo á tossalista sem ég þarf að gera...neyðist til að gera! Það sem ég geri í dag er mitt val....engin sem fær mig til að gera annað. Ektakarlinn minn er að uppgötva það hægt og hægt að hann á freka og ákveðna konu og þessi kona vill að vissir hlutir séu gerðir og að hann geti gert þá. Læknar tala um að hendin á honum sé lömuð en lömuð hendi finnur ekki til en hann er virkilega þjáður og illa verkjastilltur þannig að þessi kella fékk það hlutverk að verða dópdíler....jamm..hann nær ekki halda utan um hvaða lyf hvenær svo hókus pókus.....ég fékk eitt hlutverk í viðbót! Verð örugglega handrukkari í framhaldinu....saga til næsta bæjar...er það ekki bara?

Annað hlutverk sem ég tók af mér viljug er að yngri ömmusonur er á leiðinni að flytja hingað....já það er pláss...meiri læti og meira um afbrýðissemi...en þetta vil ég enda um algjöran ljúfling að ræða og nú erum við ömmurnar að hjálpast að þangað til hann fær leikskólapláss hér í götunni. Kannski er þetta leið til að hugsa ekki um herra krabba....en þeir bræður eru ánægðir og prinsinn minn segir þetta hið besta mál.....fjölskyldan öll tók vel í þetta enda hvaða afsökun höfum við að gera þetta ekki....afi og amma líka í næstu götu sem þessli litli sækir mikið í.....nóg er að afkomendum...svo hvað er eitt í viðbót.

Hugurinn fær aldrei frí segi ég....minn ektakarl á fullu í endurhæfingu en nú er myndataka á mánudag...varla að ég skilji það að það séu komnir 3 mánuðir síðan aðgerðin var gerð. Hann er ekkert alltaf glaður minn karl...oft mjög pirraður og erfiður í samskiptum því bæði er það getan og svo minnið sem er að trufla hann. En ég geri margt til að hafa hann glaðan en það er eins og það sé slökkt á þeirri stöð hjá honum svo mín meðvirkni nær ekki lengra. Strákarnir okkar fjórir sem allir æfa knattspyrnu með Fjölni láta okkur hafa nóg að gera, mæta á leiki og æfingar, sjómaðurinn í því að fylla kistuna af fiski, fíkilinn komin út og er að koma sér fyrir, heimasæta dúxar og gerir lífið bærilegra hér heima fyrir, hetjan mín er ákveðin að stefna á Eurovision í Osló með mér og systu minni....og stjúpdóttirin stefnir á að koma heim frá Danaveldi til að knúsa pabba sínn og fá fjölskylduna í æð. Stefnan lengi verið að minnka vinnuna...en e- reynist það erfitt...bæði vegna þess að þar er gaman og svo er vinnan mín bara það flókin að erfitt er minnka það e-ð....hef ekki haft orku í að ýta á það í sífellu.

Okkar fjölskylda, algjör teygjufjölskylda en þetta er okkar veruleiki og vonlaust mál að kalla hana skrýtna. Gullmolar, prinsar, hetjur eða fíklar.....í góða súpu notum við það sem kemur að notum og er nothæft í ísskápnum...yffirleitt er gaman að lifa....enda er það val mitt.

InLove ..óska eftir sterkum orkustraumum fyrir næstu viku...svo margt í gangi þá....þar til næst!

Flokkur: Vinir og fjölskylda | Breytt 12.1.2010 kl. 22:20 | Facebook

Athugasemdir

Hæ hæ elski Inga,þú hefur svo sannarlega nóg að gera, við sendum þér alla okkar strauma og orku og hún er á leiðinni núna strax :)

koss og knús á þig og alla þína :*

Lillý og fjölskylda (IP-tala skráð) 10.1.2010 kl. 12:59

Sendi þér alla þá orkustrauma sem ég get og meira til. Þú ert rík kona og ert búin að sýna að þú kemst í gegnum allt, enda foringi og ljónynja með meiru.

orka orka orka orka orka orka ........................................................... til þín

fæðingarorlofskonan (IP-tala skráð) 10.1.2010 kl. 13:01