læra meira og meira...

Ég er þessi sem er komin upp í fjórðu tröppu..með allsskyns aðstoðarmenn til að komast á toppinn!

Þarf helst að prófa sem flest og núna er það Verslunarskólinn og mín komin í spænsku þar í fjarnám..með einni góðri frænku og vinkonu sem mun örugglega leiða mig í gegnum þetta og svo á ég alltaf hauk í horni þar sem heimasætan mín er...sem brosir út í annað af uppátæki múttu sinnar.  Ekki er það nú svo að ég hafi ekki nóg að gera...en þetta vil ég gera og þá er það nú svo að þá er tíminn yfirleitt nægur.   Viðurkenni það alveg að þegar ég skráði mig var ég búin að gleyma viðbótarnámi í KHÍ sem hefst í næstu viku..en það er ekki eins spennandi og að læra spænsku og það er alltaf hægt að hætta...við...er það ekki?

Framtíðarplön prinsins eru líka að búa erlendis..svo þá verð ég að vera tilbúin..vera á hliðarlínunni fyrir hann líka ef hann kýs það.

Fíkillinn enn í meðferð og segist vera trimmstjóri hópsins..hita mannskapinn upp og gera teygjuæfingar.  Ein heimsókn leyfð á tímanum og það verður ekki fyrr en eftir rúma viku.  Ömmusonur ekki mikið að tala um hana en hann er e-ð ómögulegur eftir þennan tíma..vill ekki sofa í rúminu sínu...dregur dýnu alveg að minni hlið og skríður upp í um leið og hann vaknar!   Það er stundum fjör hér um miðjar nætur og alveg synd að minn ektakarl sofi það allt af sér.  Prinsinn gengur nefnilega í svefni og ég er í því að elta hann um allt hús og jafnvel þrífa upp eftir hann!  eina nóttina var hann kominn inn í eldhús og var þar í  róleg heitunum að kasta af sér vatni..bara si svona!     Er að hugsa um að setja upp web cam til að allir fái nú að upplifa fjölskylduskemmtunina sem hér fer fram.  

Ektakarlinn í góðu standi...lota fimm hefst í næstu viku og hann er alltaf jafn ákveðinn í að þetta sé að renna sitt skeið.  Vinnur allan daginn og þó dagarnir séu misjafnir þá finnst okkur báðum tíminn liða alveg fáranlega hratt...þessi meðferð er alveg að vera búinn. 

 

 

 

Athugasemdir

[Tína, 11.9.2008 kl. 06:42]

OLA. Segir maður ekki svona á spænsku? En hrikalega er ég ánægð með þig tjelling!! Kristján minn var líka svona þegar hann var lítill og gerði ótrúlegustu hluti í svefni en svo bara varð ég að stoppa það. En það er gert með því að setja blautt handklæði á gólfið við rúmið. Þau vakna við það þegar þau stíga á handklæðið.

Bið fyrir kærri kveðju til ektakarlsins og er enn alveg miður mín yfir því að hafa misst af ykkur um helgina. Knús á þig stelpa.

[www.zordis.com, 11.9.2008 kl. 10:32]

Þú átt eftir að rúlla spænskunni upp!  Það er bara frábært að geta verið í námi og lært það sem hugann dreymir.  Ég hlakka til að klára spænskuna mína og fagna námslokum.

Njóttu dagsins !

[Sigrún Óskars, 13.9.2008 kl. 13:31]

Hola mi amiga! Það er voða þægilegt að kunna smá í spænsku, sem er nú eitt útbreiddasta tungumál veraldar. Gangi þér vel.