að flytja saman.

Prinsarnir hér á heimilinu taka upp á mörgu og slóðin oft á eftir þeim út um allt hús..en þeir eru í leik og það má ekki trufla.  En í þetta sinn var eitthvað meira að gerast, hlutir færðust til og sá litli var sendur niður til að ná í þvegil og aftur kom hann niður með e-ð í poka sem sem fór í ruslið.  Já hugsaði ég nú er verið að taka til og það á að koma mér á óvart..og þóttist ekki heyra  neitt.  En hávaðinn jókst og skipunartónn eldri prinsins varð meira áberandi, hans var valdið og nú átti að hlýða.  Kallað var á minn ektakarl því þeir sögust ekki vera nógu sterkir...og upp fór einn af sömu tegund sem hafði kraftana.  Hávaðinn hélt áfram og svei mér ef ég heyrði ekki e-ð brotna og stunur og niðurbælt blót endurkastaðist niður til mín.  Svo koma að því að mér var boðið í veisluna....þessir drengir höfðu semsagt ákveðið það að flytja saman......og þarna voru tvö rúm, hlið við hlið... með þessa yndislegu drengi brosandi allan hringinn...stoltir af ákvörðuninni og ætluðu sko að vera vinir alla tíð. 

Ömmusonur sem hefur ekki sofið meter frá mér undanfarið ár..hefur þroskast... tók þarna þátt í þessari ákvörðun...ætlaði ekki að missa af tækifærinu að vera nálægt stóra frænda sínum.       Enda talaði hann um það næsta morgun að hann hefði nú stækkað mikið um nóttina....að vera svona langt frá mér.           

Prinsinn minn þarna að gefa þvílíkt af sér...sá fram á skemmtilega tíma að hafa einn sem lítur upp til hans og þeir geta þá brallað meira saman með lokaða hurð og er búinn að læra að það er meira gaman að hafa félagsskap!

Ég bíð bara áfram á stoppustöðinni eftir næsta ævintýri!

Athugasemdir

[www.zordis.com, 22.12.2008 kl. 16:25]

Mikið eru þeir duglegir! Litli prinsinn hefur stækkað um allan helming af stollti og kæti.

Gangi þeim vel í næstu ævintýrum. Bestu jólakveðjur til þín mín kæra!