bland í pokanum!

Ef við erum ekki sætustu bræðurnir...þá má hún amma bara eiga sig.  Frábært að fá að hafa þá saman hér og þó allt sé á öðrum endanum, hávaði og rifist um hver á að fá að sofa í millunni þá er þetta nú gæðatími fyrir alla.  Ömmusonur eldri átti nú erfitt...og var farinn að dæsa því annar lítill karl fékk lánað  ömmuhjarta.   "Amma,,  fer hann bróðir minn ekki að fara...skrýtið þetta líf..þetta eru bræður og hittast bara alltof sjaldan þannig að það er um að gera að fá það besta út úr því.

Sumir hér tala um að vera fyrstir og aðrir segja histir þegar verið er að meina að allir séu bara þyrstir!

Hef bara ekki skilið það afhverju börn fæðast ekki með túlkara-band á enninu...það mundi nú minnka misskilning...amma ég er fyrstur..já kallinn minn...þú ert alltaf fyrstur..!  Æiii amma ég er fffyrstur!

Í ellinni mun ég gefa út bækling fyrir fyrstu  ömmubörnin.. gera lífið aðeins léttara fyrir alla og auðvelda ömmum lífið.

Sjómaðurinn minn kom við seint í gærkveldi og kom með þvílíkar kræsingar að mamma gamla..ég...var fram á nótt að gera að, hausa og flaka og planaði um leið næstu matarboð í huganum.  Þessi ungi maður vill vel og skilur ekkert í því þegar ég hringi og hef áhyggjur af líðan hans...hann er með mér í liði...við höldum þessu batteríi uppi og eins gott að hann hrynji ekki.  Hvert fer ég þá?

 Ektakarlinn hefur ekkert að gera...... en samt nóg því það sem ég skrifa á miða fyrir hann á morgnana vinnst nú ekki og hef ég lúmskt gaman af.. því ekki vantar viljann en dagurinn líður og hann er á fullu að hitta aðra kalla sem eins er ástatt með.

Hann er samt fastur í hjólförum kvíða  og er á biðstofunni í huganum, bíða eftir einhverju sem kannski verður og hvað með það þó að það verði.  Við förum öll í sömu átt og held að það séu fáir sem fá að ráða för!    Myndataka eftir tvær vikur og ég rassskelli minn mann ef allt er í hæga gangi ...sem það verður...og fer fram á það að hann fái einhverja hjálp...og nú er ég bara að hugsa um að ég haldi þessari litlu geðheilsu sem ég tel að ég haldi enn.   Samt alltaf einhverjar góðar og skemmtilegar uppákomur hér.  Barnaverndarfólkið..mafían..nefndin er búin að gefa grænt ljós á okkur, við megum semsagt fara að ala upp ömmuson, okkur er treyst til þess og gæðastimpill komin á okkur.   Nú loksins getum við þetta, erum búin að fá átta tlraunir og ættum að vera komin með þekkinguna og reynsluna.  Hvað erum margir sem geta sagt það að þeir hafi réttindin og þeim sé ..at last..TREYST!

..eitt hjarta fyrir hvern afleggjara.

Þar til næst...

 

Athugasemdir

[Lena (IP-tala skráð) 22.1.2009 kl. 21:14]

Sæl og blessuð Inga mín!

Mig langaði bara að senda kveðju til þín og þína.

Gangi ykkur vel.

Kv. Lena

[Rakel (IP-tala skráð) 25.1.2009 kl. 03:36]

[vinkonan (IP-tala skráð) 25.1.2009 kl. 10:16]

Þetta eru gullfallegir ömmudrengir sem þú átt.

Knús á þig og alla hina líka.

[Tína, 26.1.2009 kl. 18:12]

Halló hjartans vinkona.

Innilega til hamingju með græna ljósið. Það held ég að hljóti að vera léttir í hjartanu. Ég er alveg sammála þér að myndatakan á eftir að koma vel út. En endilega settu fréttirnar hérna inn. Bið fyrir góðri kveðju til húsbandsins.

Guð geymi þig og þína duglega kona.

[www.zordis.com, 2.2.2009 kl. 19:57]

Smá valdabarátta í gangi mín kæra! Gott að ykkur sé treyst en það þarf víst að fara eftir ávkeðnum leiðum í sumu og öðru ekki. Ísland í dag væri sennilega í betri farvegi ef farið hefði verið eftir lögum og reglum.

Gangi ykkur rosalega vel og ég sendi þér koss á báðar að spænskum sið.

(Ég hélt áfram í fjarnáminu mínu og verð stúdína í vor ef allt gengur upp. Er í 2 áföngum í spæ 4 og 503 sem og ísl 623 .. bara gaman!)

[Vilborg D. (IP-tala skráð) 3.2.2009 kl. 23:18]

Þetta eru nú krúttlegustu afleggjarar ever, þessir tveir sætabrauðsdrengir. Til hamingju með að hafa það vottfest að þér sé treystandi fyrir börnum - LOL!