Farinn að ganga karlinn..

Já við leiddumst í dag eftir ganginum á Grensás...engin hækja og engin stóll

Hann segir öllum þarna að kella hans sé það erfið að hann geti bara ekki farið heim enda er það markmiðið hjá mínum manni að koma helst ekki í hjólastólnum heim...ég er víst ýmist að flakka á milli landa eða bara svo erfið í skapinu.   Ég er nú á því að hjúkkurnar hafi þetta aðdráttarafl..þessar góðu konur sem neita að aðstoða minn mann vegna þess að ég er að stríða þeim á því að ég hafi heyrt um það að það sé hægt að fara í mál við þær ef þær ná af manni sínum heittelskaða...já hann er ansi oft á stuttbuxunum þarna að flækjast...hm!   En þær baka góðar vöfflur á miðvikudagskvöldum þar sem aðstandendur eru meira en velkomnir...líka erfiðar eiginkonur.

Hann fer í nýjan búning á morgun þegar hann fer í viðtal á Bylgjunni....e-ð sem hann hefur ekki prófað fyrr að hafa sjálfan sig í aðalhlutverki...og ég bíð spennt eftir að heyra bullið í honum, röddina hans og húmorinn. 

Góðir vinir eru gulls ígildi þessa dagana..og ég nýt þessa að leyfa öðrum að hugsa fyrir mig eða framkvæma ýmis verk sem hafa legið á hakanum.

....þar til næst

Athugasemdir

[Sigurður Þorsteinsson, 4.11.2009 kl. 23:39]

Verð að finna út hvenær Siggi verður á Bylgjunni á morgun. Það er samdráttur í þjóðfélaginu og maður verður stundum svo niðurdreginn út af honum. Stundum vorkennir maður sjálfum sér svo mikið. Þá er gott að geta hlustað á Sigurð Hallvarðsson með sitt jákvæða hugarfar og frábæra húmorinn.

[Inga María, 4.11.2009 kl. 23:50]

Minn ektakarl ætlar sér að leggja undir sig fjölmiðlana á morgun..Bylgjan, Heimir og Kolla upp úr átta....og svo Ísland í dag...annað kvöld þar sem hann ætlar að leika listir sínar

[Þessi í fæðingarorlofinu (IP-tala skráð) 5.11.2009 kl. 11:22]

Flottur í útvarpinu í morgun ektakarlinn þinn

knús til ykkar

[Linda (IP-tala skráð) 5.11.2009 kl. 13:11]

Gott að heyra að allt er á réttri leið.  Siggi var frábær í útvarpinu í morgun, hlakka til að sjá kallinn í sjónvarpinu í kvöld.  Er á fullu að auglýsa styrktarleikinn á sunnudag, Fésbókin er stórkostlegt tæki í það.

kveðja, Linda

[Ragnheiður , 5.11.2009 kl. 20:36]

Hann var óborganlega flottur Inga María, - minn karl er afskaplega hjartagóður og það læddust tár fram í augun hans.

Knús á þig elskuleg...þið eruð merkileg- stórmerkileg

[Inga María, 5.11.2009 kl. 22:10]

...keppnisskapið svoleiðis komið fram hjá mínum ...en já Ragnheiður ...það er yndislegt að sjá karlmann viðurkenna mátt sinn gagnvart tárunum....doktorinn e-ð hreyft við tárastöðvunum sem er bara hið besta mál...eitt pínulítið skref fram...og ekkert aftur..það er málið!

[Vilborg Davíðsdóttir (IP-tala skráð) 6.11.2009 kl. 10:55]

Hrikalega var hann flottur í sjónvarpinu, þinn maður, og húmorinn í góðu lagi. Magnað að heyra hann lýsa líðaninni þegar hann vaknaði upp eftir uppskurðinn lamaður öðru megin - grét af gleði og sorg. Ótrúlega fallegt.

Knúskveðja og settu reikningsnúmerið á söfnunarreikningnum og kennitöluna hér inn - þetta var svo stutt þarna á skjánum.